الرئيسية
السلام عليكم ورحمه الله وبركاته
ذكرت فى الموضوع السابق الى انى حبدأ من اول وجديد وبشويه تنظيم مع دراسة تصميمات الكروت الشخصية كاحدى التطبيقات الموجوده فى الدعاية والاعلان
وطلبت اشوف تطبيقات الناس وطبعا مفيش غير اخ واحد فقط هوه اللى عرض تطبيقه وهو الاخ احمد مجدى
واسمحلى يا احمد حعرض تصميمك وتعقيبى عليه يمكن الناس تتشجع شويه وتجيب تصميماتها وتستفاد من التعقيب عليها ولو مش عاوز تصميمك يتعرض ابعتلى رساله على ايميلى وقولى امسح تطبيقك وانا حمسحه فى ساعتها
نرجع للتطبيق
ده تصميم الاخ احمد مجدى
مبدأيا يا احمد التصميم انت راعيت فيه المبادىء الاساسية اللى ذكرتها وهوه ده اللى بقوله دايما وبنصح الناس بيه وهو ان تطبق دايما كل اللى بيتقالك وتشغل ايدك وحتلاقى مستواك فى تقدم ان شاء الله
تعقيبى الوحيد هو ان تهتم بعد كده بالخلفية شويه ومش معنى كده ان الجرايديانت وحش وانما ممكن الشخص يعمله كبدايه لانه اسهل حاجه لكن احنا بنقول ان لازم تتطور يبقى بالتالى الجرايديانت ده قدام لازم يكون بالنسبه لك من الماضى الجميل
ادخل الانترنت وافتح جوجل واعمل تقليبه على تصميمات الموبايلات الموجوده وشوف خلفياتها ونزلها هيا واى خلفيات تانيه متاحه وحاول تاخد منها افكار وتطورها وتعمل خلفياتك الخاصه وادخل موقع فوتوشوب كافيه شوف التطبيقات المتميزه للخلفيات وان شاء الله فى الفتره الجايه حعرض عليكم كذا موقع اجنبى متخصص لو تابعتوهم كويس حتستفادوا كتير ان شاء الله ده غير ان فيه مفاجأه بحضرها ومش حقول عليها دلوقتى ولكن باختصار شديد هيا عباره عن درس غير مسبوق على مستوى الوطن العربى بتاتااااااااا وان شاء الله اللى حيفهمه كويس حتتغير نظرته للتصميم الدعائى والاعلانى 180 درجه مره واحده
تانى تطبيق من احدى الاخوات
الكارت محتاج اعاده هيكله وببساطه شديده ادخلى موقع اى ستوك فوتو وخدى اى صوره طعام تكون جذابه وما اكثرهم فى الموقع المذكور واستخدميها كخلفيه وحتشوفى فرق كبير بس طبعا الصور من اى ستوك فوتو حتكون عليها علامه مائية خاصه بالموقع وتقدرى تقومى ب ازاله العلامة المائيه دى عن طريق اداه الستامب
جربى وورينا التصميم
كارت اليكس كار
ميزه الكارت انه بسيط والوانه هادئه ومريح بصراحه رغم بساطه الخلفية بس مريح جدا فعلا
نصائحى كالاتى
بالنسبة للبيانات اعملى شادو اسود بسيط اللى هوه الافتراضى بدون اللعب فى الاعدادات
الوان الكتابه محتاجه تكون ب لون تانى على الاقل وتقدرى تستخدمى اللون الاحمر او الاصفر لكن بلاش تستخدمى الاحمر والاصفر فى نفس الوقت
اعملى اوتر اصفر ل لوجوهات السيارات الموجوده فى الكارت
بالنسبة لتصميم الوجه الاخر للكارت
بلاش تكرار لوجوهات السيارات وكفايه توزعى الاربع لوجوهات على مختلف انحاء التصميم
اتمنى ان يجى اشخاص كمان يعرضوا تطبيقاتهم والامر اللى بيحزننى انى لما بشوف منتديات ناقله موضوعى وفيه ناس عملت تطبيقات ومستنيه منى اقول رأيى بس المنتدى مش بيسمح لى انى ادخل واقولهم ده موقعى يا ريت تشرفونى بالزيارة علشان اتابعكم وده بسبب العقليه الغريبة بتاعه مشرفين المنتديات العربية اللى اهم حاجه عندهم ان مفيش عضو يذهب لموقع تانى بغض النظر عن استفاده العضو اللى مش بتمثل للمشرف اى قيمه وبسبب العقلية دى ف المنتديات العربية فى انحدار لانهم مش بيبحثوا عن فائده الاعضاء وانما بيبحثوا عن طريقة زياده الاعضاء فقط واعتقد ان كلكم بتعانوا من المشكله دى لما تدخل منتدى تلاقيه بيطلب منك التسجيل قبل التحميل رغبه منه فى زياده عدد الاعضاء رغم ان الطريقة ده بتخلى عدد الاعضاء ظاهرى فقط لان العضو اللى سجل دلوقتى واخد اللى عاوزه مش حيرجع تانى بس ده مش بيهم المنتدى لانه عاوز عدد الاعضاء يبقى كبير يوم ما يفكر يبيع المنتدى
علشان كده نصيحه اخويه
لما تبحث عن شىء بالعربى فى جوجل حتلاقى مليون منتدى ناقل نفس الموضوع ف لو لقيت اول منتدى بيطلب التسجيل اقفله وافتح تانى نتيجه فى جوجل وحتلاقى تانى منتدى مش بيطلب التسجيل ولو طلع بيطلب برضه اقفله وادخل على التالت وهكذا ولو كلهم بيطلبوا التسجيل وقتها سجل عادى وادخل خد اللى انت عاوزه وسيب رد عباره عن انتقاد لاذع لاداره المنتدى وطريقتها الغبيه فى اجبار الاعضاء على التسجيل والغرض من النقد اللاذع ده هو دفعهم الى حذف عضويتك وبالتالى متبقاش مجرد رقم من عدد المسجلين فى المنتدى
اسف للخروج على الموضوع ولكن الامر مستفز مش اكتر
اتمنى اشوف تطبيقات اكتر واكتر واكتر علشان اعرضها كلها وتستفادو من بعض يا جماعه
ذكرت فى الموضوع السابق الى انى حبدأ من اول وجديد وبشويه تنظيم مع دراسة تصميمات الكروت الشخصية كاحدى التطبيقات الموجوده فى الدعاية والاعلان
وطلبت اشوف تطبيقات الناس وطبعا مفيش غير اخ واحد فقط هوه اللى عرض تطبيقه وهو الاخ احمد مجدى
واسمحلى يا احمد حعرض تصميمك وتعقيبى عليه يمكن الناس تتشجع شويه وتجيب تصميماتها وتستفاد من التعقيب عليها ولو مش عاوز تصميمك يتعرض ابعتلى رساله على ايميلى وقولى امسح تطبيقك وانا حمسحه فى ساعتها
نرجع للتطبيق
ده تصميم الاخ احمد مجدى
مبدأيا يا احمد التصميم انت راعيت فيه المبادىء الاساسية اللى ذكرتها وهوه ده اللى بقوله دايما وبنصح الناس بيه وهو ان تطبق دايما كل اللى بيتقالك وتشغل ايدك وحتلاقى مستواك فى تقدم ان شاء الله
تعقيبى الوحيد هو ان تهتم بعد كده بالخلفية شويه ومش معنى كده ان الجرايديانت وحش وانما ممكن الشخص يعمله كبدايه لانه اسهل حاجه لكن احنا بنقول ان لازم تتطور يبقى بالتالى الجرايديانت ده قدام لازم يكون بالنسبه لك من الماضى الجميل
ادخل الانترنت وافتح جوجل واعمل تقليبه على تصميمات الموبايلات الموجوده وشوف خلفياتها ونزلها هيا واى خلفيات تانيه متاحه وحاول تاخد منها افكار وتطورها وتعمل خلفياتك الخاصه وادخل موقع فوتوشوب كافيه شوف التطبيقات المتميزه للخلفيات وان شاء الله فى الفتره الجايه حعرض عليكم كذا موقع اجنبى متخصص لو تابعتوهم كويس حتستفادوا كتير ان شاء الله ده غير ان فيه مفاجأه بحضرها ومش حقول عليها دلوقتى ولكن باختصار شديد هيا عباره عن درس غير مسبوق على مستوى الوطن العربى بتاتااااااااا وان شاء الله اللى حيفهمه كويس حتتغير نظرته للتصميم الدعائى والاعلانى 180 درجه مره واحده
تانى تطبيق من احدى الاخوات
الكارت محتاج اعاده هيكله وببساطه شديده ادخلى موقع اى ستوك فوتو وخدى اى صوره طعام تكون جذابه وما اكثرهم فى الموقع المذكور واستخدميها كخلفيه وحتشوفى فرق كبير بس طبعا الصور من اى ستوك فوتو حتكون عليها علامه مائية خاصه بالموقع وتقدرى تقومى ب ازاله العلامة المائيه دى عن طريق اداه الستامب
جربى وورينا التصميم
كارت اليكس كار
ميزه الكارت انه بسيط والوانه هادئه ومريح بصراحه رغم بساطه الخلفية بس مريح جدا فعلا
نصائحى كالاتى
بالنسبة للبيانات اعملى شادو اسود بسيط اللى هوه الافتراضى بدون اللعب فى الاعدادات
الوان الكتابه محتاجه تكون ب لون تانى على الاقل وتقدرى تستخدمى اللون الاحمر او الاصفر لكن بلاش تستخدمى الاحمر والاصفر فى نفس الوقت
اعملى اوتر اصفر ل لوجوهات السيارات الموجوده فى الكارت
بالنسبة لتصميم الوجه الاخر للكارت
بلاش تكرار لوجوهات السيارات وكفايه توزعى الاربع لوجوهات على مختلف انحاء التصميم
اتمنى ان يجى اشخاص كمان يعرضوا تطبيقاتهم والامر اللى بيحزننى انى لما بشوف منتديات ناقله موضوعى وفيه ناس عملت تطبيقات ومستنيه منى اقول رأيى بس المنتدى مش بيسمح لى انى ادخل واقولهم ده موقعى يا ريت تشرفونى بالزيارة علشان اتابعكم وده بسبب العقليه الغريبة بتاعه مشرفين المنتديات العربية اللى اهم حاجه عندهم ان مفيش عضو يذهب لموقع تانى بغض النظر عن استفاده العضو اللى مش بتمثل للمشرف اى قيمه وبسبب العقلية دى ف المنتديات العربية فى انحدار لانهم مش بيبحثوا عن فائده الاعضاء وانما بيبحثوا عن طريقة زياده الاعضاء فقط واعتقد ان كلكم بتعانوا من المشكله دى لما تدخل منتدى تلاقيه بيطلب منك التسجيل قبل التحميل رغبه منه فى زياده عدد الاعضاء رغم ان الطريقة ده بتخلى عدد الاعضاء ظاهرى فقط لان العضو اللى سجل دلوقتى واخد اللى عاوزه مش حيرجع تانى بس ده مش بيهم المنتدى لانه عاوز عدد الاعضاء يبقى كبير يوم ما يفكر يبيع المنتدى
علشان كده نصيحه اخويه
لما تبحث عن شىء بالعربى فى جوجل حتلاقى مليون منتدى ناقل نفس الموضوع ف لو لقيت اول منتدى بيطلب التسجيل اقفله وافتح تانى نتيجه فى جوجل وحتلاقى تانى منتدى مش بيطلب التسجيل ولو طلع بيطلب برضه اقفله وادخل على التالت وهكذا ولو كلهم بيطلبوا التسجيل وقتها سجل عادى وادخل خد اللى انت عاوزه وسيب رد عباره عن انتقاد لاذع لاداره المنتدى وطريقتها الغبيه فى اجبار الاعضاء على التسجيل والغرض من النقد اللاذع ده هو دفعهم الى حذف عضويتك وبالتالى متبقاش مجرد رقم من عدد المسجلين فى المنتدى
اسف للخروج على الموضوع ولكن الامر مستفز مش اكتر
اتمنى اشوف تطبيقات اكتر واكتر واكتر علشان اعرضها كلها وتستفادو من بعض يا جماعه